සමනල පියාපත්
සිඳුණු සමනල තටුවක් ලෙසින්
බිඳුණු ඔබගේ සිතත් සමගින්
පැමිණ මාගේ සමීපය වෙත
අපහසුවෙන් පියාපත් සලමින්
ලබන්නට අසමත්ව ජීවිතය
මියගියා ඔබ යලිත් නොඑන ලෙස
මියැදුණු ඒ හිත පන ගන්වන්නට
මට කල හැකි කිසිවක් තව නොම ඇත
හෙමිහිට හෙමිහිට සොලවා බැලුවෙමි
සංවේදනයක් ලබන තුරා
එය ලද බව වැටහුණු විට මා හට
ප්රහර්ෂයක් විය මසිත පුරා
කාලයේ කුහුඹුවන් විසින්
වගකීමෙන් කල වෙනස් කමින්
පුංචි සිතේ සතුටක් ඇති වෙයි
එබැවින් ඒ සිත තව මෘදු වෙයි
හුණු කුරෙන් කවි කතා වලින්
නික්මී සමුගෙන ආදරයෙන්
සෙමින් සෙමින් අමතක කරමින්
පහස ලබයි නව සමාජයෙන්
ඔබගේ සියුමැලි කම අවියක් කොට
දියුණුව ලෙස එය පෙන්වාවි
විදුරු පිටුපස ඇති සමනල තටු
නිදර්ශකය ලෙස සලකාවි
කුමක් අරභයා ලියන ලද්දක් ද යන වග තීරණය කිරීම කියවන ඔබට භාර කරමි.
No comments:
Post a Comment